今日，颱風“北冕”打到嚟，但依然跟大舅去咗水口鎮買水龍頭。

雖然呢度係開平，兼且成條街都係賣浴具嘅嘢，但幾乎99%嘅都係呢外省人係度賣。

就好似古鎮條燈飾街咁，都係呢要用普通話溝通嘅。

呢D現象真係珠三角嘅鄉鎮經濟啦。

由於呢D地方以前都係農村，即係所謂嘅鄉鎮啦。

之後政府係呢鄉鎮度用本地人呢地方去搞呢乜乜市場，吸引呢外地人嚟賣埋同一種嘢。

就形成咗一個一一個諸如鋼材市場，水果批發市場，燈飾市場，浴具市場……咁。

呢本地人淨係等收租或者等鄉鎮派錢就得啦，好多廣東人都係咁樣富起來的。

但睇下新會啦，成日話搞乜搞乜，真係乜都搞唔到出嚟，冇樣嘢成氣候嘅。

呢生活水平係珠三角嚟講，真係好唔掂檔，睇下嗰荒廢係到嘅時代城就知啦。

之前係NC考咗車牌，但係就冇好似係廣東考車牌咁要考長途。

所以真係唔知自己可唔可以開快呢部車，上路去我遠呢嘅地方。

今日終於第一次由會城開遠呢，去到雙水接表妹。

雖然落雨，但都算OK啦，不過揸車真係要好留神囉。

因為我唔識路，開過咗舅母做嘢嘅嗰間醫院，要倒車先入得去。

點知我後面有成兩部車等我過，但我哋部車又比我整熄火喎，

後面呢車又響按，搞到我鬼咁唔好意思，唯有快呢開走部車，唔好阻住人哋啦。

入到去雙水差不多40公里，開完車都真係幾攰，都係做坐車嘅舒服好多~~~